親親動物農莊 31 七月, 2010joyfung168 梓聰成長篇 發表留言 睇到動物農莊的廣告真係好吸引 可以近距離見到好多動物 仲可以餵羊仔 餵烏龜 不過原來好少動物,好多人。 攤位遊就最多 雖然 “動物" 農莊名過其實,但勝在有冷氣都玩得過 !
第一次………. 26 七月, 2010joyfung168 梓聰成長篇 發表留言 你估我哋去邊?…………暑假去旅行?! 我哋準備去書展 本來冇打算去,不過婆婆有免費飛就同梓聰去行吓。 雖然係平日下午但仍然超多人,婆婆行咗一陣就走咗;梓聰又開始話攰 ,好彩揾到節目比佢 。 梓聰可以在台上玩吓,媽咪又可以在台下坐吓休息、休息。 同場加映 書展的收穫 梓聰最鍾意呢個盒……. 係立體故事書。
媽媽的發現 23 七月, 2010joyfung168 梓聰成長篇 發表留言 三歲十個月 媽媽在家的時間多咗發現唔知幾時開始梓聰自己會扣鈕,會除過頭笠衫,又對點樣綁鞋帶有興趣,遲啲買對綁鞋帶鞋仔比佢至得! 身高: 102cm 體重: 33磅 (好似好耐都無重過)
反斗奇兵 3 17 七月, 2010joyfung168 梓聰成長篇 發表留言 今日第一次同梓聰去戲院睇電影 反斗奇兵 3 3D版 睇戲之前,媽咪同梓聰預告會去戲院;非一般嘅梓聰一啲都冇興奮,反而十分擔心…….. 戲院會唔會好黑? 會唔會好嘈? 會唔會好驚呀? (其實有梓聰嘅地方點會唔嘈!)
打麻雀 10 七月, 2010joyfung168 嫲嫲的親朋 發表留言 自從梓朗出世後,梓聰屋企都未開過枱,不過有日梓聰同媽咪講想學打麻雀 媽咪:等你大個啲先。 梓聰:好呀!咁八月幾號? 媽咪:唔係呀,等你好似臨哥哥咁大先. 梓聰:咁耐!! 媽咪:係呀!! 梓聰:咁可唔可以睇?!咁第日大個學得快啲嘛。 媽咪: 今日姑姐屋企開枱喎 爸爸帶咗梓聰去觀戰 睇吓先! 睇吓先!
摺紙 7 七月, 2010joyfung168 梓聰成長篇 發表留言 媽咪同事送咗呢本摺紙冊比梓聰好耐 有多種動物,不過都唔容易摺 今日媽咪揾咗個難度較低嘅比梓聰試 在媽咪協助下………….. 孔雀開屏喇!